சினிமா
நயன்தாரா குழந்தைகளின் பெயருக்கு இப்படியொரு அர்த்தமா? ஷாக்கான ஃபேன்ஸ்!
நடிகை நயன்தாரா மற்றும் விக்னேஷ் சிவன் நானும் ரவுடி தான் படத்தில் இருந்தே காதலிக்க ஆரம்பித்தனர். காத்து வாக்குல ரெண்டு காதல் படம் முடிந்த நிலையில், அனைவரும் அறிய மாமல்லபுரத்தில் ஒரு சொகுசு ரெசார்ட்டில் பிரம்மாண்டமாக திருமணம் செய்து கொண்டனர்.
அடுத்த 4 மாதத்திலேயே ட்வின்ஸ் குழந்தைகளின் போட்டோவை வெளியிட்டு இதுதான் எங்கள் உயிர் மற்றும் உலகம் என சொல்லி ரசிகர்களை அதிர்ச்சியில் ஆழ்த்தினர்.
எப்புட்றா 4 மாதத்தில் மின்னல் வேகத்தில் இரட்டைக் குழந்தைகள் என ஏகப்பட்ட ட்ரோல்கள் கிளம்பிய நிலையில், அந்த குழந்தைகள் இரண்டுமே வாடகைத் தாய் மூலமாக வந்த குழந்தைகள் என்பது தெரிய வந்ததும் மேலும், பல விமர்சனங்கள் மற்றும் விவாதங்கள் என சமூக வலைதளத்தில் நயன்தாராவின் பெயர் டோட்டல் டேமேஜ் செய்யப்பட்டது.
கடைசியாக எல்லாமே சட்டப்படி தான் செய்தோம் என அவர்களும் விளக்கம் கொடுக்க அரசும் அதை ஏற்றுக் கொள்ள அந்த சர்ச்சைகள் முடிவுக்கு வந்தன. இந்நிலையில், நயன்தாரா சமீபத்தில் நடந்த விருது விழா நிகழ்ச்சியில் தனது குழந்தைகள் பெயரை முழுமையாக சொன்ன நிலையில், பலரும் அந்த பெயர்களை கிண்டல் செய்து வருகின்றனர்.
இந்நிலையில், நெட்டிசன் ஒருவர் அந்த குழந்தைகளின் பெயருக்கான அர்த்தத்தை தனக்கு தெரிந்த பாணியில் விளக்கி இருப்பது சோஷியல் மீடியாவில் வைரலாகி வருகிறது.