தமிழ்நாடு
பிரபல பின்னணி பாடகி ராக்ஸ்டார் ரமணியம்மாள் மரணம்
69 வயதான பிரபல பின்னணி பாடகி ராக்ஸ்டார் ரமணியம்மாள் வயது மூப்பு காரணமாக காலமானார். பிரபல தனியார் தொலைக்காட்சி நடத்திய பாட்டுப் போட்டியில் கலந்து கொண்டு இரண்டாம் பரிசு பெற்றவர் ரமணியம்மாள். அந்த போட்டியில் சிறப்பாகா பாடி மக்கள் மனதில் இடம்பெற்றவர் ரமணியம்மாள். இவருக்கு அந்த போட்டி மூலம் தான் ராக்ஸ்டார் ரமணியம்மாள் என்ற பெயரும் வந்தது.
நடிகர் பரத் நடிப்பில் வெளியான ஹிட் திரைப்படமான காதல் படத்தில் தண்டட்டி கருப்பாயி என்ற பாடலை பாடி அறிமுகமானார் ரமணியம்மாள் காத்தவராயன், ஹரிதாஸ், ஜூங்கா, சண்டக்கோழி 2, நெஞ்சமுண்டு நேர்மையுண்டு ஓடு ராஜா, காப்பான் உள்ளிட்ட பல படங்களில் பாடல்களைப் பாடி அசத்தியுள்ளார்.
இந்நிலையில் 69 வயதான ராக்ஸ்டார் ரமணியம்மாள் வயது மூப்பு காரணமாக இறந்துள்ளது திரையுலகில் சோகத்தை ஏற்படுத்தியுள்ளது. அவரது மறைவுக்கு ரசிகர்கள் மற்றும் திரை பிரபலங்கள் என பலரும் தங்கள் இரங்கலை தெரிவித்து வருகின்றனர்.