சினிமா
வாங்கண்ணா! வாங்கண்ணா!.. இன்ஸ்டாகிராமில் அடியெடுத்து வைத்த ஆட்ட நாயகனை வரவேற்பு சிம்பு!
தளபதி விஜய் தாறுமாறாக இன்ஸ்டாகிராமத்தில் வாழலாம் என புது கணக்கை அந்த ஏரியாவிலும் தொடங்கி உள்ளார். நடிகர் விஜய் இன்ஸ்டாகிராமில் கணக்கை தொடங்கிய நிலையில், நடிகர் சிலம்பரசன் டி.ஆர். அவருக்கு வரவேற்பு தெரிவித்துள்ளது ரசிகர்களை உற்சாகப்படுத்தி உள்ளது.
கடந்த 2013ம் ஆண்டே ட்விட்டரில் கணக்கு தொடங்கி வருஷத்துக்கு ஒரு முறை தனது படங்கள் வரும் போது ஃபர்ஸ்ட் லுக், டீசர், ட்ரெய்லர் அறிவிப்புகளை வெளியிட்டு வருகிறார் நடிகர் விஜய்.
இந்நிலையில், இந்த முறை இன்ஸ்டாகிராமிலும் ரசிகர்கள் அதிகம் உள்ள நிலையில், அங்கேயும் ப்ரோமோஷன் வேலைகளை ஆரம்பிக்க இன்ஸ்டாகிராமில் புதிய கணக்கை தொடங்கி உள்ளார் தளபதி விஜய்.
நடிகர் விஜய் கணக்கு தொடங்கிய நிலையில், ஏற்கனவே இன்ஸ்டாகிராமில் அக்கவுண்ட் வைத்து இருக்கும் சினிமா பிரபலங்கள் எல்லாம் அவரை பின் தொடர்வதும், அவருக்கு வாழ்த்துக்களை தெரிவிப்பதுமாக உள்ளனர்.
மலையாள திரையுலகின் முன்னணி நடிகரான பிருத்விராஜ் நடிகர் விஜய் இன்ஸ்டாகிராமில் அக்கவுண்டை ஓபன் செய்த உடனே அவரை வரவேற்று போஸ்ட் ஒன்றையும் போட்டுள்ளார்.
இந்நிலையில், நடிகர் சிம்புவும் வாங்கண்ணா என நடிகர் விஜய்யை இன்ஸ்டாகிராமில் வரவேற்று இருப்பது விஜய் ரசிகர்களை உற்சாகத்தில் ஆழ்த்தி உள்ளது. மேலும், 24 மணி நேரத்தில் எத்தனை மில்லியன் ஃபாலோயர்கள் விஜய்யின் இன்ஸ்டாகிராம் பக்கத்தில் இணைய உள்ளனர் என்கிற ரெக்கார்டு போட்டியும் ஒரு பக்கம் நடைபெற்று வருகிறது.
சமீபத்தில் நடந்த பத்து தல ஆடியோ லாஞ்சிலும் நடிகர் விஜய் வாரிசு படத்தில் தீ தளபதி பாடல் பாடியதற்காக நடிகர் சிம்புவுக்கு நன்றி தெரிவித்த வீடியோவை ஒளிபரப்பி இருந்தது குறிப்பிடத்தக்கது.