தமிழ்நாடு
90களில் பிரபலமான சித்த வைத்தியர் சிவராஜ் சிவகுமார் காலமானார்!
90களில் பிரபலமாக இருந்த சித்த வைத்தியர் சிவராஜ் சிவகுமார் என்பவர் உடல்நலக்குறைவால் காலமானார்.
கடந்த 1990ஆம் ஆண்டுகளில் தொலைக்காட்சி மற்றும் செய்தித்தாள்கள் மூலம் பிரபலமானவர் சித்த வைத்தியர் சிவராஜ் சிவகுமார். இவர் மாதம் முழுவதும் ஒவ்வொரு நாளும் ஒவ்வொரு நகருக்கு சென்று சித்த வைத்தியம் குறித்து விழிப்புணர்வு ஏற்படுத்தி நோயாளிகளுக்கு அறிவுரையும் மருந்து மாத்திரைகளும் தருபவர்.
குறிப்பாக இவர் பால்வினை நோய்களுக்கு வைத்தியம் பார்ப்பதில் சிறந்தவர் என்று கூறுவதுண்டு. இவரது விளம்பரங்கள் தொலைக்காட்சிகளிலும் செய்தித்தாள்களிலும் தினமும் இடம் பெறும் என்பதும் 90கள் மக்களுக்கு இவர் மிகவும் அறிமுகமானவர் என்பது குறிப்பிடத்தக்கது.
மேலும் இவரது பரம்பரையினரும் சித்த வைத்தியம் செய்து வருகின்றனர் என்பது குறிப்பிடத்தக்கது. இந்த நிலையில் 90களில் பிரபலமான பிரபல சித்த வைத்தியர் சிவராஜ் சிவகுமார் இன்று உடல்நலக்குறைவால் காலமானார். அவருக்கு வயது 78. சித்த வைத்தியர் சிவராஜ் சிவகுமார் அவர்களின் மறைவுக்கு பொதுமக்கள் இரங்கல் தெரிவித்தும் அஞ்சலி செலுத்தியும் வருகின்றனர் என்பது குறிப்பிடத்தக்கது
