தமிழ்நாடு
5 மணி நிலவரப்படி தமிழகத்தில் 63.60% வாக்குப்பதிவு: 70ஐ தொடுமா?
![election commission1 - Bhoomitoday](https://www.bhoomitoday.com/wp-content/uploads/2021/02/election-commission1.jpg)
தமிழகத்தில் இன்று காலை 7 மணிமுதல் வாக்குப்பதிவு நடைபெற்று வரும் நிலையில் இன்னும் ஒரு மணி நேரத்தில் வாக்குப்பதிவு முடிவடையவுள்ளது. காலை 9 மணி வரை 13 சதவீதமும் 11 மணி வரை 25 சதவீதமும் வாக்குப்பதிவு நடந்ததாக தகவல்கள் வெளிவந்துள்ளன.
இந்த நிலையில் சற்று முன் வெளியான தகவலின்படி மாலை 5 மணி வரை தமிழகத்தில் மொத்தம் 63.60 சதவீதம் வாக்குகள் பதிவாகி உள்ளதாக தகவல்கள் விழுந்துள்ளன. சென்னையில் 55.31 சதவீதம் வாக்குப்பதிவு நடந்துள்ளது என்பது குறிப்பிடத்தக்கது. சென்னையில் எதிர்பார்த்த அளவு வாக்குப்பதிவு இல்லை என்பதும் மிகவும் குறைந்த வாக்குப்பதிவு நடந்த பகுதிகளில் ஒன்றாக சென்னை உள்ளது என்பதும் குறிப்பிடத்தக்கது.
மிக அதிகமாக விழுப்புரம், புதுக்கோட்டை, பெரம்பலூர், நாமக்கல், திருவண்ணாமலை, தர்மபுரி, கள்ளக்குறிச்சி உள்ளிட்ட பகுதிகளில் 68 சதவீதத்துக்கும் அதிகமாக வாக்குபதிவாகியுள்ளது என்பது குறிப்பிடத்தக்கது.
இந்த நிலையில் இன்னும் ஒரு மணி நேரம் வாக்குப்பதிவு நேரம் இருக்கும் நிலையில் அதற்குள் இன்னும் எத்தனை சதவீதம் வாக்குப்பதிவு நடைபெறும் என்பதையும் மொத்த வாக்கு பதிவு சதவீதம் 70ஐ தாண்டுமா என்பதையும் பொறுத்திருந்து பார்ப்போம்.