பட்ஜெட் கூட்டத்தொடர் இன்று தொடக்கம்..நிலுவையில் உள்ள 35 மசோதாக்கள் என்னென்ன?

பாராளுமன்றத்தின் பட்ஜெட் கூட்டத்தின் இரண்டாவது அமர்வு இன்று தொடங்க இருக்கும் நிலையில் இந்த கூட்டத்தொடரில் நிலுவையில் உள்ள 35 மசோதாக்களை நிறைவேற்ற மத்திய அரசு திட்டமிட்டுள்ளது. கடந்த பிப்ரவரி மாதம் பட்ஜெட் கூட்டத்தை தொடங்கியது என்பதும் மத்திய நிதி அமைச்சர் நிர்மலா சீதாராமன் பட்ஜெட்டை தாக்கல் செய்தார் என்பது தெரிந்ததே.

இந்த நிலையில் பட்ஜெட் கூட்டத்தொடரின் இரண்டாவது அமர்வு இன்று முதல் ஏப்ரல் ஆறாம் தேதி வரை நடைபெற உள்ளது. இந்த கூட்டத்தொடரில் பட்ஜெட் குறித்து விவாதம் நடத்தப்பட்டு அதற்கு ஒப்புதல் அளிக்கப்படும் என்றும் அது மட்டும் இன்றி 35 நிலுவையில் உள்ள முக்கிய மசோதாக்களை நிறைவேற்றவும் மத்திய அரசு திட்டமிட்டுள்ளதாகவும் தகவல் வெளியாகி உள்ளன. தற்போது என் நிலவரப்படி மாநிலங்களவையில் 26 மசோதாக்கள் மற்றும் மக்களவையில் 9 மசோதாக்கள் என மொத்தம் 35 மசோதாக்கள் நிலுவையில் உள்ளன என்பது குறிப்பிடத்தக்கது.

#image_title

இந்த கூட்டத்தொடரில் நிறைவேற்றப்படவுள்ள நிலுவையில் உள்ள மசோதாக்கள் இதோ:

*  பல மாநில கூட்டுறவு மசோதா

*  உயிரியல் பன்முகத்தன்மை (திருத்தம்) மசோதா

*  தனிநபர் தரவு பாதுகாப்பு மசோதா

*  நதிநீர் தகராறுகள் (திருத்தம்) மசோதா

*  அரசியலமைப்பு (பட்டியலிடப்பட்ட பழங்குடியினர்) ஆணை (மூன்றாவது திருத்தம்) மசோதா

*  பட்டியலிடப்பட்ட பழங்குடியினர் ஆணை ஐந்தாவது திருத்தம் மசோதா

*  தமிழ்நாடு சட்டப் பேரவை மசோதா

*  நாடாளுமன்றம் மற்றும் சட்டமன்றத் தொகுதிகளில் பட்டியல் சாதிகள் மற்றும் பழங்குடியினரின் பிரதிநிதித்துவத்தை மறுசீரமைத்தல் மசோதா

*  நாடாளுமன்ற ஆய்வுக்கு பரிந்துரைக்கப்படாத மற்றும் நிறைவேற்றப்படுவதற்கு நிலுவையில் உள்ள மசோதாக்கள்

*  தில்லி வாடகை (ரத்து) மசோதா

*  அரசியலமைப்பு (பட்டியலிடப்பட்ட பழங்குடியினர்) ஆணை (திருத்தம்) மசோதா
அஸ்ஸாம் சட்டமன்றக் குழு மசோதா

*  கட்டிடம் மற்றும் இதர கட்டுமானத் தொழிலாளர்கள் தொடர்பான சட்டங்கள் திருத்த மசோதா

*  அரசியலமைப்பு திருத்த மசோதா

*  சட்டமன்ற உறுப்பினர்களுக்கான சிறிய குடும்ப விதிமுறைகள் மசோதா

*  டெல்லி வாடகை திருத்த மசோதா

*  டெல்லி வாடகை ரத்து மசோதா

*  வேலைவாய்ப்பு பரிமாற்றங்கள் காலியிடங்களின் கட்டாய அறிவிப்பு திருத்த மசோதா

*  தி இந்தியன் மெடிசின் ஹோமியோபதி பார்மசி மசோதா

*  மாநிலங்களுக்கு இடையே இடம்பெயர்ந்த தொழிலாளர்கள் வேலைவாய்ப்பு மற்றும் சேவை நிபந்தனைகள் மசோதா

*  சுரங்கங்கள் திருத்தம் மசோதா

*  நகராட்சிகளின் விதிகள் திட்டமிடப்பட்ட பகுதிகளுக்கு நீட்டிப்பு மசோதா

*  ராஜஸ்தான் லெஜிஸ்லேட்டிவ் கவுன்சில் மசோதா

*  விதைகள் மசோதா

*  இந்திய தொலைத்தொடர்பு ஒழுங்குமுறை ஆணையம் திருத்தமசோதா

*  WAQF சொத்துக்கள் அங்கீகரிக்கப்படாத ஆக்கிரமிப்புகளை வெளியேற்றுதல் குறித்த மசோதா

*  மத்தியஸ்த மசோதா

*  சினிமாட்டோகிராஃப் திருத்தம் மசோதா

*  குழந்தை திருமணத் தடை திருத்த மசோதா

*  மின்சாரம் திருத்த மசோதா

*  டிஎன்ஏ தொழில்நுட்பம் பயன்பாடு ஒழுங்குமுறை மசோதா

*  பெற்றோர் மற்றும் மூத்த குடிமக்களின் பராமரிப்பு மற்றும் நலன் திருத்த மசோதா