இன்று வெளியாகும் 3 முக்கிய படங்கள்!

சியான் விக்ரம், அக்‌ஷரா ஹாசன் நடிப்பில் உருவாகியுள்ள கடாரம் கொண்டான், ஆடையை கழட்டி விட்டு நடித்துள்ள அமலா பாலின் ஆடை மற்றும் டிஸ்னியின் தி லயன் கிங் என மூன்று பெரிய படங்கள் மற்றும் கவனத்தை ஈர்க்கும் முக்கிய படங்கள் இன்று வெளியாகின்றன.

கமல்ஹாசனின் ராஜ்கமல் நிறுவனம் தயாரிப்பில் விக்ரம் நடிப்பில் படு மாஸாக ஒரு ஆக்‌ஷன் படமாக கடாரம் கொண்டான் உருவாகியுள்ளது.

படத்தின் டீசர் மற்றும் டிரைலர்கள் ஹாலிவுட் தரத்தில் இருந்ததால், படத்திற்கான ஏகப்பட்ட எதிர்பார்ப்புகள் எகிறியுள்ளது.

ஸ்கெட்ச், சாமி 2 படங்கள் படுதோல்வியை சந்தித்த நிலையில், எப்படியாவது ஒரு ஹிட் கொடுக்க வேண்டுமென்ற வெறியோடு உழைத்திருக்கும் விக்ரமுக்கு கடாரம் கொண்டான் கைகொடுக்குமா என்பதை பொறுத்திருந்து பார்ப்போம்.

அடுத்ததாக இந்தியாவையே ஒரே டீசரில் அதிரவைத்த ஆடை திரைப்படமும் இன்று வெளியாகிறது. என்னதான் பாலிவுட்டில் நிர்வாணமாக நடித்து பல படங்கள் வந்தாலும், தமிழில் ஒரு சில படங்களில் சில காட்சிகள் அப்படி வந்தாலும், முழுதாக ஆடை என்ற டைட்டில் வைத்துவிட்டு ஒரு முன்னணி நாயகி ஆடையே இல்லாமல் 15 நாட்கள் நிர்வாணமாக நடித்துள்ள படம் என்ற பயங்கர எதிர்பார்ப்புடன் இன்று வெளியாகவுள்ள படம் தான் ஆடை.

ஆடைக்கு எதிர்ப்புகள் வந்தாலும், வழக்குகள் தொடரப்பட்டாலும், டிக்கெட் புக்கிங் ஹவுஸ்ஃபுல் ஆக ஆகிக் கொண்டிருப்பதையும் மறுக்க முடியாது.

கடைசியாக தி லயன் கிங், டிஸ்னியின் பிரம்மாண்ட தயாரிப்பில் உருவாகியுள்ள படம், உலகம் முழுக்க இந்த படத்திற்கு பிரபலங்கள் குரல் கொடுத்துள்ளனர்.

தமிழில் நாயகன் சிம்பா சிங்கத்திற்கு நடிகர் சித்தார்த் குரல் கொடுத்துள்ளார். அப்பா சிங்கத்திற்கு அரவிந்த் சாமியும், நாயகி சிங்கத்திற்கு ஐஸ்வர்யா ராஜேஷும் குரல் கொடுத்துள்ளனர்.

மேலும், மனோ பாலா, ரோபோ சங்கர் உள்ளிட்ட பலரும் காட்டு விலங்குகளுக்கு குரல் கொடுத்துள்ளதால், இதுவும் ஒரு தமிழ் படத்தை பார்க்கும் ஃபீல் கொடுக்கும் என எதிர்பார்க்கப்படுகிறது.