இந்த ஆண்டின் 3-ம் மிகப் பெரிய வெற்றிப்படம் பொன்னியின் செல்வன் 1!

இந்திய சினிமா வரலாற்றில் மிகப் பெரிய வெற்றிபெற்ற டாப் 5 படங்கள் பட்டியலில் முதல் 4 இடத்தை தென் இந்திய படங்களே பிடித்துள்ளன.

பாலிவுட் படங்களுடன் ஒப்பிடும் போது தென் இந்திய படங்களுக்கான வரவேற்பு மிகப் பெரிய அளவில் உருவாகி வருகிறது.

தமிழில் அண்மையில் தனுஷ் நடிப்பில் வெளியான திருச்சிற்றம்பலம் திரைப்படம் மிகப் பெரிய எதிர்பார்ப்பு ஏதுமில்லாமல் ரிலீஸ் ஆனாலும் 100 கோடி ரூபாய் வசூலை பெற்றுள்ளது.

தமிழில் வெளியாகி மிகப் பெரிய வெற்றி பெற்ற விக்ரம் வேதா ரீமேக் படம் இந்தி ரீமேக் இன்னும் 100 கோடி ரூபாய் வசூலை எட்ட முடியாமல் திணறி வருகிறது. அதே நேரத்தில் ரிலீஸ் ஆன தமிழ் சரித்திர திரைப்படமான பொன்னியின் செல்வன் முதல் பாகம், 450 கோடி ரூபாய் வசூலை 17 நாளில் செய்துள்ளது.

கன்னடாவில் குறைந்த பட்ஜெட்டில் உருவான காந்தாரா திரைப்படம் 17 நாட்களில் 100 கோடி ரூபாய் வசூலை பெற்றுள்ளது. முதல் வாரம் கர்நாடகாவில் இந்த படத்திற்கு கிடைத்த வரவேற்பைப் பார்த்துவிட்டு, தமிழ், தெலுங்கு, இந்தி, மலையாளம் மொழிகளிலும் காந்தாரா படம் இப்போது டப் செய்யப்பட்டு ரிலீஸ் ஆகி நல்ல வரவேற்பைப் பெற்றுள்ளது.

இந்தியில் சில வாரங்களுக்கு முன்ப் ரிலீஸ் ஆன பிரம்மாஸ்தரா படம் 425 கோடி ரூபாய் வசூலை பெற 25 நாட்கள் எடுத்துக்கொண்டது. ஆனால் பொன்னியின் செல்வன் படம் 12 நாட்களில் 400 கோடி ரூபாய் வசூலை பெற்று அனைவரையும் ஆச்சரியத்தில் ஆழ்த்தியது.

அதிலும் பொன்னியின் செல்வன் படத்தின் டிக்கெட் பெரும்பாலான இடங்களில் உள்ள திரை அரங்குகளில் அரசு நிரணையித்த கட்டணம் மட்டுமே வசூலித்தது.

விரைவில் பொன்னியின் செல்வன் படம் 500 கோடி ரூபாய் வசூலை எளிதாக எட்டும் என எதிர்பார்க்கப்படுகிறது.

கமல் ஹாசன் நடிப்பில் வெளியான விக்ரம் படம் உலகம் முழுவதும் 440 கோடி ரூபாய் வசூலை பெற்றுள்ளது. இதுவும் பிரம்மாஸ்தரா படத்தை விட அதிக வசூல் தான்.

மேலும் இந்த ஆண்டு அதிக வசூல் செய்த படங்கள் பட்டியலில் கேஜிஎப், ஆர்ஆர்ஆர் படங்கள் உள்ளன. இந்த இரண்டு படங்களும் 1000 கோடி ரூபாய்க்கும் அதிகமாக வசூல் செய்துள்ளதாக கூறுகின்றனர்.