தமிழ்நாடு
முதல்வராக பதவியேற்ற மு.க.ஸ்டாலின்; வைரலாகும் 2016 அதிமுக பதவியேற்பு வீடியோ!
2021 சட்டமன்றத் தேர்தலில் தனிப் பெரும்பான்மை பெற்று ஆட்சியமைக்கு உரிமை கோரியது திராவிட முன்னேற்றக் கழகம். அக்கட்சியின் சார்பில் அதன் தலைவர் மு.க.ஸ்டாலினை திமுக சட்டமன்ற உறுப்பினர்கள் ஒரு மனதாக முதல்வர் பொறுப்புக்கு தேர்வு செய்தனர். அதைத் தொடர்ந்து இன்று ஸ்டாலின் மற்றும் தமிழக அமைச்சரவையின் பதவியேற்பு நிகழ்ச்சி, சென்னை, கிண்டியில் உள்ள ஆளுநர் மாளிகையில் கொரோனா கட்டுப்பாடுகளுடன் எளிமையாக நடந்து முடிந்தது.
இன்றைய நிகழ்ச்சியின் போது தமிழக அமைச்சரவையில் இருக்கும் ஒவ்வொரு அமைச்சரும் தனித் தனியாக உறுமொழி சொல்லி தங்களது பொறுப்புகளை ஏற்றுக் கொண்டனர்.
‘முத்துவேல் கருணாநிதி ஸ்டாலின் எனும் நான்’ என்று கூறி இன்று தமிழகத்தின் முதலமைச்சராகப் பொறுப்பேற்றுக் கொண்டேன்!
காவிரிக் கரையாம் தஞ்சை மண்ணின் – திருவாரூரைச் சார்ந்த எனக்கு தாய்த் தமிழ்நாட்டுக்குச் சேவை செய்திட மாபெரும் வாய்ப்பை வழங்கிய தமிழ்நாட்டு மக்களுக்கு நன்றி! pic.twitter.com/bmvRSWcss7
— M.K.Stalin (@mkstalin) May 7, 2021
இப்படியான சூழலில் கடந்த 2016 ஆம் ஆண்டு முதல்வர் ஜெயலலிதா தலைமையிலான அமைச்சரவை பதவியேற்ற வீடியோ சமூக வலைதளங்களில் வைரலாகி வருகிறது. அப்போது ஜெயலலிதாவுக்கு உடல்நல பாதிப்பு இருந்து வந்தது. இதனால், அமைச்சர்கள் கூட்டம் கூட்டமாக தங்களது பொறுப்புகளை ஏற்றுக் கொண்டனர்.
2016ல் அமைச்சர்கள் கோரஸாக எடுத்த உறுதி மொழி ???? pic.twitter.com/clIKRy2zfx
— பூதம் (@angry_birdu) May 7, 2021
அமைச்சர்கள் கூட்டாக மேடையில் உறுதிமொழி சொல்லி தங்கள் பதவிகளை ஏற்றுக் கொண்டனர். தமிழக வரலாற்றில் இப்படியான பதவியேற்பு நடந்ததில்லை என்பதால் அது பரபரப்பாக பேசப்பட்டது. இந்நிலையில் அது குறித்தான காணொலி தற்போது வைரலாகி வருகிறது.
