சினிமா செய்திகள்
100 கோடி வசூல் போட்டியில் பேட்ட, விஸ்வாசம்?
ரஜினியின் பேட்ட திரைப்படம் வரும் ஞாயிற்றுக்கிழமை வசூலுடன் சேர்த்தால், சுமார் 100 கோடிக்கு மேல் தமிழகத்தில் அதிவிரைவில் வசூலித்த படமாக மாறும் என பேட்ட படத்தின் சர்வதேச வெளியீட்டு உரிமையை பெற்ற மாலிக் இன்டெர்நேஷனல் நிறுவனம் நேற்று தெரிவித்தது.
இந்நிலையில், பேட்ட படத்திற்கு போட்டியாக, அறிவிக்கிறோம் என்ற பெயரில், விஸ்வாசம் படக்குழு, 8 நாட்களிலேயே தமிழ்நாட்டில் மட்டும் விஸ்வாசம் படம் 125 கோடி ரூபாய் வசூலித்ததாக படக்குழு போஸ்டர் அடித்து அதிகாரப்பூர்வமாக அறிவித்து வருகிறது.
பொங்கல் ரேசில் ரஜினியின் பேட்ட மற்றும் அஜித்தின் விஸ்வாசம் படங்கள் நேருக்கு நேர் முதன்முறையாக மோதின. இரு படங்களுக்கும் தலா 450 திரையரங்குகள் ஒதுக்கப்பட்டன.
இரு படங்களும் மோதிக்கொள்ளாமல் சோலோவாக களமிறங்கினால், ஒருவாரத்தில் 100 கோடி வசூலை ஈட்டலாம். சரி சம மோதலால், இரு படங்களின் வசூலும் பாதியாகத்தான் வந்திருக்கும் என்றும், கெத்து மோதலுக்காகவே 100 கோடி வசூல் என புழுகுவதாக கோலிவுட்டில் பேச்சும் பரவலாக அடிபட்டும் வருகிறது.